इन्दिरा प्रसाई :शृजना र दृष्टि [Indira Prasai:Shrijana Ra Drishti]

प्रा.सुवेदीका समालोचना वैज्ञानिक ढाँचाका र बौद्धिक चेतनादायी साथै न्यायिक विवेचनाका दृष्टिबिन्दुबाट समेत हेरिएका हन्छन् । यसै क्रममा उनले इन्दिरा प्रसाईद्वारा लिखित साहित्यिक कृतिहरूमध्ये आख्यानविधाको समीक्षा यस कृतिमा प्रस्तुत गरेका छन् । यस कृतिमा प्रा.सुवेदीले प्रसाईका कृतिहरूमध्ये हालसम्म प्रकाशित भएका प्रसाईका कथा र उपन्यासहरूका बारेको समालोचना प्रविष्ट गराएका छन् । इन्दिरा प्रसाई नेपाली साहित्यका क्षेत्रमा सुपरिचित नाउँ हो। प्रसाईले नेपाली साहित्यका कथा, कविता, उपन्यास, निबन्ध, समीक्षालगायत विविध विधामा आफ्नो प्रबल उपस्थिति जनाइसकेकी छिन् । प्रसाईका सृजनामध्ये आख्यानका सन्दर्भमा समालोचकीय दृष्टान्त यस कृतिमा प्रस्तुत गरिएको छ।